Ooreenkoms vir betaling van skoolgeld

1. Die aanvangsdatum van die ooreenkoms vir die betaling van skoolgelde aan die Applikant(e) sal die datum van ondertekening deur die gevolmagtigde van EUPHORBIA CHRISTELIKE ONAFHANKLIKE SKOOL (MAATSKAPPY INGELYF KRAGT ENS ARTIKEL 21) wees, ongeag of die Applikant(e)) die ooreenkoms geteken het en/of die leerder voorlopig toegelaat is tot die skool. 2. Die partye stem hiermee toe tot die jurisdiksie van die Landdroshof vir enige regsgeding wat uit hierdie ooreenkoms mag voortspruit. 3. Die partye kies as hulle onderskeie domicilium citandi et executandi vir betekening van enige pleit- en prosesstukke of enige korrespondensie wat uit hierdie ooreenkoms mag voortspruit, die adresse soos vermeld in die ooreenkoms om skoolgeld te betaal. 4. Die applikant(e) bevestig dat die inligting soos verskaf waar en korrek is, en bevoeg en gemagtig is om die ooreenkoms aan te gaan. 5. 'n Sertifikaat van die rekenkundige beampte van die EUPHORBIA CHRISTELIKE ONAFHANKLIKE SKOOL (MAATSKAPPY INGELYF KRAGT ENS ARTIKEL 21), wie se aanstelling nie bewys hoef te word nie, sal dien as Prima Facie bewys van die uitstaande saldo vir doeleindes van enige hofverrigtinge. 6. Die Applikant(e) onderneem om die regskoste van EUPHORBIA CHRISTELIKE ONAFHANKLIKE SKOOL (MAATSKAPPY INGELYF KRAGT ENS ARTIKEL 21) en enige ander gepaardgaande kostes verbonde aan die invordering van die uitstaande/agterstallige skoolgelde as gevolg van die Applikant(e) se nie-nakoming van die bepalings van hierdie ooreenkoms en asook alle geregtelike stappe in verband daarmee, te betaal op 'n prokureur- en kliëntbasis soos uiteengesit in Reël 81 van die Reëls van die Prokureursorde van Transvaal. 7. Indien die APPLIKANT(E) versuim om enige betaling stiptelik op die betaaldatum ten volle te betaal, is die volle balans onmiddelik opeisbaar en betaalbaar en sal ‘n administratiewe fooi van R200.00 per maand gehef word tesame met moratore rente. 8. Die APPLIKANT(E) onderneem om Belasting op Toegevoegde Waarde (BTW) te betaal op alle bedrae wat verskuldig is ingevolge hierdie ooreenkoms vir sever sodanige bedrae onderhewig is aan BTW kragtens toepaslike wet. 9. Die APPLIKANT(E) onderneem om binne 14(VEERTIEN) dae nadat enige van die besonderhede hierbo verander, skriftelike kennis van die nuwe besonderhede aan EUPHORBIA CHRISTELIKE ONAFHANKLIKE SKOOL (MAATSKAPPY INGELYF KRAGT ENS ARTIKEL 21) te verstrek. 10. Die APPLIKANT(E) doen hiermee afstand van die voordele ingevolge die regseksepsies "non numeratae percunae, non cause debiti; emore calculi" hersiening van rekening en geen waarde ontvang, die volle effek en uitwerking waarvan die APPLIKANT(E) erken ten volle vertroud is en erken dat hy/hulle nie geregtig sal wees om skuldvergelyking toe te pas ten opsigte van enige verskuldigde bedrag nie. 11. Geen toegewing van enige aard deur die EUPHORBIA CHRISTELIKE ONAFHANKLIKE SKOOL (MAATSKAPPY INGELYF KRAGT ENS ARTIKEL 21) sal in enige mate gesien word as 'n novasie van hierdie ooreenkoms nie en geen wysiging van enige van die bepalings in hierdie ooreenkoms vervat, sal bindend wees op die EUPHORBIA CHRISTELIKE ONAFHANKLIKE SKOOL (MAATSKAPPY INGELYF KRAGT ENS ARTIKEL 21) nie, tensy dit op skrif gestel is en deur beide partye onderteken is nie.